[center][b]
يا ليجان قولولي علاش البنات خدامات في كل القطاعات وفي شتى الميادين انا نقولكم خاطر علابالي بالسر
المراة تخدم على حاجة وحدة الماكياج
تخدم من الساعة 8 صباحا الى الساعة 5 مساء بمرتب شهري 700 الف برك
واش يهمها يخي الراجل هو الي يجي ويجيب المهر والطبق وووووووو
وهي بلاطائ والزينة وعشرة كيلو ماكياج
حتى تولي ما تفرق بين الوجه الحقيقي والماسك
وما تقدرش تعرف ويلا هاذ الطفلة بيضاء ولا سوداء ولا عينيها طبيعيين ولاكات سيزو يتبدلو مع الفصول
اما الراجل المسكين ما يساعدوش الحال يخدم بهاذ الشهرية ويفضل يقعد شومار وشاد الحيوط ولا شاد الشجر ولا الحجر ما يهمش المهم 7000 دينار مش راح ديرلو تاويل
ولا راح يقدر يتزوج بيها اما بالك يشري دار
علا هاذي نلقاو الشباب حيطيست
ضرك ليجان يقراو 14 سنة باش يخرج يشد الحيط والطفلة مستوى 9 اساسي تحطط وتتزين تروح للوزارة يخدموها نورمال وبنصف الشهرية وهي قابلة
نزيدو نروحو للقراية
طفلة نهار كامل وهي هاملة من بعد في اخر السنة تجيب معدل مليح علاش
اذا كانت عندها المعريفة سور تنجح عندها الدراهم سور تربح مع شوية رشوة زاوالية تربح مع شوية...... راكم فاهمين
علا هاذي الشباب اتحطم تدمر ما لقاش مستقبل
المراة قولولي واش جابها لمحطة البنزين؟
لافاج؟
واش جابها سائق تاكسي سائقة حافلة؟؟
خاطر تخدم بنص سومة
وعلاش المراة تلقاها في المحلات التجارية كشك للتبغ والجرائد....
نجدها ايضا في محلات بيع الالبسة الرجالية
يعني وين تروح تلقاها
راكم عرفتو السبة وعلاش الخدمة مكاش
لوكان كل واحد يشد اختو في الدار ولا بنتو
ولا يخليها تخدم خدمة انثوية مشي خدمة رجالية والله يرجعو الشباب كيما كانو وما يتسماوش فنيانين ولا حيطيست
وترجع الرجولية وحياء المراة وينقص العري والتبرج
ويكثر الزواج كيما في سنوات الثمانينات
للحديث بقية
